"Barselona" shvesiyalik hujumchi uchun ikki futbolchisini qurbon qilishga tayyor

"Barselona" hamon Lissabonning "Sporting" klubi hujumchisi Viktor Dyokereshga qiziqish bildirmoqda.

"Ko‘k-anorranglilar" shved uchun Yevropaning ko‘plab grandlari bilan kurash olib boradi. El Nacional nashrining Transfer News Live'ga tayanib xabar berishicha, kataloniyaliklar Ferran Torres va Ronald Arauxoni sotib yuborishga tayyor va bu bitimlardan tushgan mablag‘ aynan Dyokereshning transferiga sarflanadi.

Transfermarkt portali "Sporting"ning 26 yoshli forvardini 75 mln yevroga baholamoqda, ammo "sherlar" o‘z yulduzi uchun biroz kamroq talab qilishsa kerak.