"Barselona" Joan Gamper kubogidagi raqibi nomini e’lon qildi

"Barselona" o‘zining rasmiy saytida Joan Gamper kubogining 60-o‘yinidagi raqibi nomini e’lon qildi. Hans-Diter Flik jamoasi "Estadi Yoxan Kroyff" stadionida "Komo"ga qarshi bahs olib boradi. O‘yin 10 avgust, yakshanba kuni bo‘lib o‘tadi, start hushtagi Toshkent vaqti bilan 00:00 da yangraydi.

Eslatib o‘tamiz, "Barselona" va "Komo" o‘rtasidagi o‘yin yangilangan "Kamp Nou"da bo‘lib o‘tishi kerak edi, ammo Kataloniya klubi kerakli lisenziyani qo‘lga kirita olmadi. Arenadagi ishlar hali davom etadi - to‘liq ochilish 2026 yilning yozida rejalashtirilgan.

O‘tgan yili Joan Gamper kubogi bahsida "Barselona" yirik hisobda "Monako"ga 0:3 hisobida yutqazgan edi.