«Barselona» finalda «Real»ni taslim qilib, 16 karra Ispaniya Superkubogi g‘olibiga aylandi (video)

"Barselona" Ispaniya Superkubogi-2026 finalida "Real"ni mag‘lub etdi - 3:2. O‘yin Saudiya Arabistonining Jidda shahridagi "Qirol Abdulloh Sport Siti" stadionida bo‘lib o‘tdi.

"Ko‘k-anorranglilar" safida Rafinya dubl qayd etgan bo‘lsa, yana bir golni Robert Levandovski o‘z hisobiga yozdirib qo‘ydi. "Qaymoqranglilar" safida Vinisius va Gonsalo Garsiya gol urdi.

"Barselona" o‘yinni bir kishi kam bo‘lib yakunladi - 90+1-daqiqada Frenki De Yong xavfli "podkat" uchun to‘g‘ridan-to‘g‘ri qizil kartochka oldi.

"Barselona" ketma-ket ikkinchi va o‘z tarixida 16-marta Ispaniya Superkubogini qo‘lga kiritdi. Kataloniya jamoasi bu borada rekordchi bo‘lib turibdi, "Real" 13ta sovrin bilan ikkinchi o‘rinda bormoqda.

Barselona - Real - 3:2

Gollar: Rafinya, 36 (1:0). Vinisius Junior, 45+2 (1:1). Levandovski, 45+4 (2:1). G. Garsiya, 45+6 (2:2). Rafinya, 73 (3:2)

Barselona: X. Garsiya, Kubarsi, E. Garsiya (Martin, 83), Balde, Kunde, Pedri, de Yong, Fermin Lopes (Olmo, 66), Rafinya (Reshford, 83), Yamal (Arauxo, 90+3), Levandovski (Torres, 66)

Real: Kurtua, Raul Asensio, Xeysen (Alaba, 76), Karreras, Valverde (Arda Gyuler, 68), Tshuameni, Bellingem, Kamavinga (Sebalyos, 82), Rodrigu, Vinisius Junior (Mastantuono, 82), G. Garsiya (Mbappe, 76)

Ogohlantirishlar: E. Garsiya, 57. Pedri, 86 - Raul Asensio, 57. Valverde, 59. Karreras, 82

Chetlatish: de Yong, 90