ABU-DABI – Birlashgan Arab Amirliklari (BAA) Isroil mudofaa kuchlarining Qatar poytaxti Dohada amalga oshirgan havo hujumi munosabati bilan mamlakatdagi Isroil elchisini chaqirtirdi.
Bu haqda Isroil OAVlariga tayanib, “Report” axborot agentligi xabar berdi.
Hozircha BAA va Isroil tashqi ishlar vazirliklari voqeaga izoh bermagan.
Eslatib o‘tamiz, 9 sentyabr kuni Isroil havo kuchlari Dohada muzokara olib borayotgan HAMAS rahbariyati a’zolariga zarba bergan edi. Amirlik ichki ishlar vazirligi ma’lumoticha, hujum oqibatida bir xavfsizlik xodimi halok bo‘lgan, bir nechta shaxs yaralangan.
HAMAS esa delegasiya a’zolari o‘limi haqidagi xabarlarni rad etgan bo‘lsa-da, hujumda olti kishi, jumladan harakat yetakchilaridan Xalil al-Hayining o‘g‘li va Qatar xavfsizlik kuchlari xodimi halok bo‘lganini tasdiqladi.
