Farg‘ona viloyatida og‘ir yuk tashuvchi avtotransport vositalari harakati vaqtincha cheklandi. Bu haqda 28 iyulda viloyat hokimining tegishli qarori qabul qilindi.
“Farg‘ona viloyatida ekstremal iqlim sharoitlarida, xususan, havo harorati ko‘tarilib ketgan sharoitlarda yo‘llarning va yo‘l sun’iy inshootlarining texnik holatini saqlab turish to‘g‘risida”gi qarorga ko‘ra, 2025 yil 20 iyuldan 20 oktyabrgacha viloyat hududidan o‘tgan umumiy foydalanishdagi avtomobil yo‘llari, shaharlar va boshqa aholi punktlarining ko‘chalarida og‘ir yuk tashuvchi avtotransport vositalarining harakati har kuni soat 08:00 dan 18:00 gacha cheklandi.
Ushbu cheklov avtomobil yo‘llarida tashishda transport vositasining g‘ildirak o‘qiga tushadigan og‘irligi 10 tonna va undan ortiq bo‘lgan yuk avtomashinalari, yong‘inga chidamli bo‘lmagan yoki muhit uchun xavfli yuk tashuvchi transport vositalari, boshqa maxsus talablarga javob bermaydigan og‘ir avtotransportlariga taalluqli etib belgilandi.
Tez tibbiy yordam, o‘t o‘chirish va favqulodda holatlar xizmatlariga tegishli transport vositalari, kommunal va sanoat xizmatlarini ta’minlovchi maxsus transportlar, ruxsatnomaga ega bo‘lgan mahalliy tadbirkorlik sub’ektlarining mahsulot yetkazib berish vositalariga (faqat maxsus belgilar bilan) mazkur cheklov tatbiq etilmaydi.
“Yo‘l harakati to‘g‘risida”gi qonunning 15-moddasida ekstremal iqlim sharoitlarida, xususan, havo harorati ko‘tarilib ketgan sharoitlarda yo‘llarning va yo‘l sun’iy inshootlarining texnik holatini saqlab turish maqsadida sutkaning muayyan vaqtida N2, N3 va M3 toifasidagi transport vositalarining harakatlanishini cheklash to‘g‘risida YHXXga takliflar kiritish mumkinligi belgilangan.
Maktablarda 1 sentyabrdan smartfondan foydalanish taqiqlanadi
AQSh Kongressiga nomzod Valentina Gomes Qur’onni yoqib yubordi
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
