Ayrim pedagoglarga samolyot va poyezd chiptalari uchun chegirma berilishi mumkin

O‘zbekistonda pedagoglar uchun avia va temiryo‘l chiptalariga yilda bir marta chegirma berish tartibini joriy etish rejalashtirilmoqda.

Qaror loyihasiga ko‘ra, imtiyoz quyidagilarga berilishi mumkin:
➖ respublika reytingida top-100ga kirgan maktab va bog‘cha pedagoglariga;
➖ top-20 texnikum pedagoglariga;
➖ top-10 oliygoh professor-o‘qituvchilariga.

Chegirma miqdori:
➖ samolyotning ekonom klass chiptalariga;
➖ poyezdning plaskart va kupe vagonlariga 15 foizni tashkil etadi.

Yuqori tezlikdagi poyezdlar ushbu imtiyozga kirmaydi. Loyiha hozirda jamoatchilik muhokamasiga qo‘yilgan.