Avtomototransport vositalarini notarial tartibda tasdiqlatishingiz shart emas, agar...

Vazirlar Mahkamasining “Avtomototransport vositalarini sotib olish, ulardan foydalanish va ularni boshqa shaxsga berishni tartibga solishga doir qo‘shimcha chora-tadbirlar to‘g‘risida”gi 38-sonli qaroriga muvofiq, avtomototransport vositalari bilan bog‘liq bitimlar notariuslar tomonidan notarial tartibda tasdiqlanishi kerak.

Ammo har doim ham emas. Avtomototransport vositalarini quyidagi hollarda notarial tartibda tasdiqlanishi zarur emas.

Bular:

— ixtisoslashtirilgan savdo korxonalari (avtomototransportni ishlab chiqaruvchi korxonalar, ularning vakillari va vositachi (distribyutorlik) tashkilotlar);

— lizing shartnomalari bo‘yicha lizing xizmatlari ko‘rsatadigan tashkilotlar (engil avtotransport vositalari lizingidan tashqari);

— yuridik shaxslar bilan lizing shartnomalari bo‘yicha mamlakatimizda ishlab chiqarilgan yengil avtotransport vositalarini kamida 2,0 mlrd so‘m miqdorida ustav kapitaliga ega bo‘lgan kredit tashkilotlari va asosiy faoliyat turi lizing hisoblangan tashkilotlar;

— “TRADE-IN” dasturi bo‘yicha fuqarolar va yuridik shaxslar tomonidan rasmiy dilerlik korxonalariga;

— Davlat aktivlarini boshqarish agentligi va uning hududiy bo‘linmalari, shuningdek O‘zbekiston Respublikasi Bosh prokuraturasi huzuridagi Majburiy ijro byurosi hududiy boshqarmalarining tuman (shahar) bo‘limlari davlat ijrochilari tomonidan belgilangan tartibda elektron onlayn-auksionlarda sotish holatlarida.