Mehnat partiyasi rahbari Entoni Albanese mamlakat federal saylovlarida Avstraliya bosh vaziri lavozimiga qayta saylandi.
Tarafdorlariga g‘alaba nutqini so‘zlar ekan, Albanese partiyasi saylovlarda ko‘pchilik ovozni qo‘lga kiritganini ta’kidladi.
Asosiy muxolifatdagi Liberal partiya rahbari Piter Datton Albaneseni tabrikladi va o‘zining parlamentdagi o‘rnini boy berganini tan oldi.
Mamlakatdagi turmush darajasi va uy-joy inqirozi saylov kampaniyasida asosiy mavzuga aylandi. Shuningdek, AQSh prezidenti Donald Tramp siyosati tufayli yuzaga kelgan so‘nggi noaniqlik ham saylovga o‘z ta’sirini ko‘rsatdi.
Avstraliyaliklar 22 apreldan ovoz berishni boshladilar. 18 million saylovchidan 8,5 milliondan ortig‘i muddatidan oldin ovoz berdi - bu 2022-yilgi saylovlarga nisbatan sezilarli o‘sishdir. Mamlakatda ovoz berish majburiydir.
O‘zbekiston Rossiya elchisini chaqirtirdi
Habib YECHLda kim g‘olib bo‘lishini istayotganini aytdi
"Ukrainaliklar ruslar bosib olgan hududlarni de-fakto berishga tayyor"
