Asrning eng uzun quyosh tutilishi vaqti aniq bo‘ldi

2027 yilning 2 avgustida XX asrdagi eng uzun quyosh tutilishi kutilmoqda. To‘liq qorong‘ulik fazasi 6 minut 23 soniya davom etadi. Bu 1991 yildan beri rekord bo‘ladi.

The Daily Galaxy nashrining yozishicha, kuzatish uchun eng qulay joy Misrning Lyuksor shahri hisoblanadi. Bu yerda tutilish peshin vaqtida sodir bo‘ladi va qadimgi ibodatxonalar va Shohlar vodiysi ustidan o‘tadi.

Olimlarning fikricha, bu ramziy ma’noga ega, chunki qadimgi Misr ruhoniylari ham ibodatxonalar devorlarida quyosh tutilishini qayd etgan.

Astronomlarning ta’kidlashicha, avgust oyida so‘nggi o‘n yilliklarda quyosh tutilishi paytida Liviya va G‘arbiy Misrda havo ochiq bo‘lib, bulutli kun bo‘lmaganini qayd etdi.

Oy soyasining yo‘li 15 ming kilometrdan ortiq masofani bosib o‘tadi. U Atlantika okeanidan Ispaniya, Shimoliy Afrika va Yaqin Sharq orqali Yaman va Sharqiy Afrikagacha cho‘zilgan. Ispaniya janubida qorong‘ulik taxminan uch daqiqa davom etadi, Fransiyada esa quyosh tutilishi faqat qisman ko‘rinadi.

Yaqinlashib kelayotgan astronomik hodisa sayyohlar va olimlarda katta qiziqish uyg‘otmoqda. Lyuksordagi ko‘plab mehmonxonalar allaqachon to‘lgan. NASA va Yevropaning yetakchi universitetlari quyosh tutilishini kuzatish bo‘yicha missiyalar tashkil etish va ularni butun dunyo bo‘ylab jonli efirda namoyish etishni rejalashtirmoqda.