"Arsenal" futbolchisi operasiya qilinadi

"Arsenal" Gabriel Jezus jiddiy jarohat olganini tasdiqladi.

Hujumchi 12 yanvar kuni Angliya kubogi doirasida "Manchester Yunayted" yarim himoyachisi Brunu Fernandesh bilan to‘qnash kelganidan keyin zambilda olib ketilgan.

"Kanonirlar" bugun braziliyalik futbolchi chap tizzasidagi shikastlangan oldingi xoch bog‘ichini tiklash uchun operasiya qilinishini e’lon qildi.

Avvalroq "Arsenal" forvard joriy mavsum yakuniga qadar safdan chiqishidan qo‘rqayotgani haqida xabar berilgandi.