Armaniston KXSHT qarorlarini bloklamaydi, lekin tashkilotning yig‘ilishlarida qatnashmaydi — respublika bosh vaziri Nikol Pashinyan.
"Biz KXSHTning yuqori darajadagi tadbirlarida ishtirok etmaymiz, tashkilot tomonidan qabul qilinuvchi qarorlarni bloklamaymiz. Maqsadimiz mintaqada barqarorlik va tinchlik o‘rnatish. Shu maqsadda biz xavfsizlik sohasidagi munosabatlarimizni diversifikasiya qilmoqdamiz", — deya ma’lum qildi Pashinyan Gresiyaning Kathemirini nashriga bergan intervyusida.
Shu bilan birga, bosh vazir Armaniston barcha hamkorlar bilan o‘zaro manfaatli hamkorlikni yo‘lga qo‘yish uchun ochiq ekanini ta’kidladi.
