Futbol bo‘yicha 2026 yilgi jahon chempionatining 1/8 finalidan o‘rin olgan Argentina va Misr terma jamoalari o‘rtasidagi uchrashuv yakunlandi. O‘yin «Mersedes-Bens Stedium» (Atlanta, AQSh) stadionida bo‘lib o‘tdi. Bosh hakam sifatida Fransua Leteksye (Bede, Fransiya) faoliyat olib bordi. Uchrashuvda 3:2 hisobidagi g‘alabani Argentina terma jamoasi futbolchilari nishonlashdi.
O‘yindagi ilk golni 15-daqiqada Misr himoyachisi Yasser Ibraxim kiritdi. Argentina hujumchisi Lionel Messi 21-daqiqada misrlik hujumchi Hessem Hassanning himoyachi Nikolas Talyafikoga ishlatgan qo‘polligi uchun belgilangan penaltini golga aylantira olmadi. 58-daqiqada hakam VAR'ni ko‘rganidan so‘ng, golli hujum vaqtida Lisandro Martinesning oyog‘ini bosib olganligi sababli Misr hujumchisi Mostafa Zikoning golini bekor qildi. Biroq 67-daqiqada Ziko gol urib, afrikaliklarning ustunligini ikki barobarga oshirdi. Argentinaliklar himoyachisi Kristian Romero 79-daqiqada hisobdagi farqni qisqartirdi, janubiy amerikaliklar hujumchisi Lionel Messi esa 84-daqiqada muvozanatni tikladi. 90+3-daqiqada yarim himoyachi Enso Fernandes argentinaliklarga g‘alaba keltirdi — 3:2.
1/4 finalda Misr terma jamoasi Shveysariya – Kolumbiya juftligi g‘olibi bilan to‘qnash keladi.
AQSh Ispaniya futbol terma jamoasidan salkam 13 mln dollar soliq talab qildi
Qirg‘iziston terma jamoasi sardori O‘zbekiston futbolining asosiy sirini aytdi
JCH-2026 o‘yinlari kelishilgan bo‘lishi mumkin
