Ispaniya La Ligasining 2-turidan o‘rin olgan «Espanyol» — «Real» uchrashuvi yakunlandi. Barselonadagi «Kornelya-El Prat» stadionida bo‘lib o‘tgan bahsda madridliklar 2:1 hisobida g‘alaba qozondi. Uchrashuvni Xose Sanches Martines boshqardi.
Mehmonlar 9-daqiqada Jud Bellingemning goli evaziga hisobni ochdi. 30-daqiqada «Espanyol» yarim himoyachisi Aleks Kalatrava muvozanatni tikladi. O‘yinning 90-daqiqasida esa Karlos Espi hal qiluvchi golni kiritib, «Real»ga g‘alaba keltirdi.
«Qaymoqranglilar»ning 1-turda «Real Sosyedad»ga qarshi o‘yini 26-avgustga qoldirilgan edi. «Espanyol» esa yangi mavsumdagi ilk uchrashuvida «Levante»ni 3:0 hisobida mag‘lub etgandi.
Keyingi turda «Espanyol» 29-avgust kuni «Real Sosyedad» bilan uchrashadi. «Real» esa 30-avgustda «Malaga»ga qarshi maydonga tushadi.
Toshkentdagi musobaqada Isroil bayrog‘ini ko‘rsatgani uchun isroillik o‘quvchining oltin medali bekor qilindi
Braziliyalik afsonaviy futbolchi Roberto Karlos musulmon bo‘lgani haqidagi mish-mishlarga munosabat bildirdi
AQSh elchisi dunyo boshqaruvini yahudiylarga berish taklifi bilan chiqdi
