NYT gazeta manbalariga ko‘ra, yangi harbiy yordam paketiga Patriot havo hujumidan mudofaa tizimlari, raketalar va o‘q-dorilar kiradi.
"Qo‘shma Shtatlarning NATO'dagi ittifoqchilari bu qurollarni prezident Donald Tramp bilan tuzilgan kelishuv doirasida xarid qilib, keyin Kiyevga topshiradi. Mazkur qurollar Ukrainaga Rossiya hujumlaridan himoyalanishga yordam beradi", deya yozmoqda The New York Times.
Nashrning ma’lum qilishicha, deyarli barcha qurollar Ukrainaga zudlik bilan yetkazib berilishi mumkin.
"Gap mavjud zaxiralardan olingan yoki yaqinda ishlab chiqarilgan qurollar haqida bormoqda", deya qo‘shimcha qilingan maqolada.
