AQShning Yamandagi navbatdagi havo hujumi oqibatida ikki kishi halok bo‘ldi, yana ikki kishi yaralandi. Bu haqda yamanlik husiylar nazoratidagi Al-Masirah telekanali xabar berdi. Yaman Sog‘liqni saqlash vazirligi ma’lumotlariga ko‘ra, zarbalar poytaxt Sanadan janub va shimoliy hududlarga berilgan, 20 ga yaqin hujumlar qayd etilgan.
Amerika tomoni xusiylarning Qizil dengizdagi savdo kemalariga uyushtirgan hujumlariga javoban mart oyi o‘rtalarida husiylarga qarshi keng ko‘lamli harbiy operasiya boshlagan edi. Vashington qurolli guruhni mintaqadagi xalqaro xavfsizlik va erkin savdoga putur yetkazayotganlikda ayblaydi.
AQSh prezidenti Donald Tramp o‘tgan hafta qattiq bayonot berib, agar hujumlar to‘xtamasa, husiylarni “butunlay yo‘q qilish” bilan tahdid qilgan edi. Shunga qaramay, guruh o‘z faoliyatini davom ettirmoqda va AQSh o‘z pozisiyalariga zarba berishda davom etmoqda.
Yamandagi vaziyat nihoyatda keskinligicha qolmoqda: Eron tomonidan qo‘llab-quvvatlanayotgan husiylar mamlakatning katta qismini, jumladan, poytaxtni ham nazorat qilmoqda. Qo‘shma Shtatlar va uning ittifoqchilari o‘z harakatlarini xalqaro yuk tashish va Yaqin Sharqdagi barqarorlikka bevosita tahdid deb biladi.
Surxondaryoda pomidorni shpaklyovkaga "aylantirishdi"
Ukrainalik asir: "Ukraina Qurolli kuchlari qariyb uch yildan beri xorijiy snaryadlardan foydalanib kelmoqda"
AQSh mudofaa vazirining qo‘lida arabcha yozilgan tatuirovka bormi?
