AQShdan uchta F-35 qiruvchi samolyoti Daniyaga yetib keldi

Daniya harbiy-havo kuchlari bazasiga Amerika Qo‘shma Shtatlaridan yana uchta yangi F-35 qiruvchi samolyoti yetib keldi. Bu haqda TASS yozmoqda.

Daniya Qurolli Kuchlari matbuot bayonotida aytilishicha, samolyotlar Arizonadagi Luka havo kuchlari bazasidan ko‘tarilib, Azor orollarida to‘xtagan va keyin Skridstrup havo kuchlari bazasiga qo‘ngan.

Qayd etilishicha, ularni yetkazib berish jadvalga muvofiq davom etmoqda. Rejalashtirilganidek, Daniya uchun jami 17 ta F-35 qiruvchisi ishlab chiqarilgan, ulardan 11 tasi allaqachon qirollikda. Qolgan oltitasi Arizonadagi aviabazada uchuvchilar va texniklarni tayyorlash uchun ishlatiladi.

Shuningdek, Daniya AQShdan 27 ta F-35 qiruvchi samolyotini sotib olgani ko‘rsatilgan. Ular mamlakat 1980 yillardan beri ishlatib kelayotgan F-16 qiruvchi samolyotlarini almashtiradi.