San-Fransiskodan Medfordga uchayotgan United Airlines aviakompaniyasining Boeing 737 samolyoti parvoz paytida qoplamaning bir qismini yo‘qotdi, biroq o‘z manziliga muvaffaqiyatli qo‘ndi, deb xabar beradi TASS.
Bu haqda Fox 13 telekanali xabar berdi.
Unga ko‘ra, bortda 139 nafar yo‘lovchi va 6 nafar ekipaj a’zosi bo‘lgan. Qurbonlar yo‘q.
Tashqi panelning yo‘qolishi faqat samolyot qo‘ngandan keyin sezildi. Kompaniya vakilining telekanalga ma’lum qilishicha, aviatashuvchi “samolyotni puxta tekshirish va ta’mirlash”, shuningdek, “hodisa sabablarini aniqlash bo‘yicha tekshiruv” o‘tkazadi.
