AQSHDA qassob pichog‘i bilan bolalarga hujum qildi

Bu haqida Hisobot New York Post rasmiylarga tayanib xabar bermoqda.

Nashr ma’lumotlariga ko‘ra, polisiyaga 11 yoshli qiz qo‘ng‘iroq qilgan, u o‘zini xonaga berkitib, dispetcherga amakisi unga va aka-ukalariga hujum qilganini aytgan.

“Uyga kirgach, ular (polisiya — tahr.) kiraverishda qo‘lida qonga belangan katta go‘sht pichoqni ushlab turgan erkakni ko‘rdi, uyning polida qon bor edi”, — deya Nyu-York polisiyasi komissari Jessika Tish so‘zlarini keltiradi nashr.

Uning so‘zlariga ko‘ra, huquq-tartibot idoralari xodimlari erkakdan qurolini tashlab yuborishni bir necha bor talab qilgan, biroq u bunga rozi bo‘lmagan va ular tomon yo‘nalgan, natijada polisiya unga yettita o‘q otgan. 49 yoshli gumonlanuvchi og‘ir ahvolda shifoxonada.

Polisiya komissarining qo‘shimcha qilishicha, 16, 13, 11 va 8 yoshli to‘rt nafar qiz pichoqdan og‘ir jarohat olgan va ular kasalxonaga yotqizilgan. Shifokorlarning fikricha, ularning hayotini saqlab qolish mumkin. Voqea sodir bo‘lgan vaqtda uyda yana bir bola bo‘lgan, biroq u yordam so‘rab qochishga muvaffaq bo‘lgan.

Polisiya gumonlanuvchining maqsadini o‘rganmoqda.