AQShda ittifoqchilar bilan Ukraina muzokaralari bo‘yicha razvedka ma’lumotlarini almashish taqiqlandi

Vashington ma’muriyati AQSh razvedka hamjamiyatiga "Besh ko‘z" G‘arb alyansi a’zolariga Moskva va Kiyev bilan Rossiya-Ukraina mojarosini hal qilish bo‘yicha muzokaralar bilan bog‘liq hech qanday ma’lumot bermaslikni buyurdi.

Bu haqda CBS telekanali xabar berdi.

Amerika rasmiylari orasidagi o‘z manbalariga ko‘ra, AQSh Milliy razvedkasi direktori Tulsi Gabbard Amerika razvedka agentliklariga ushbu alyans a’zolariga "Rossiya-Ukraina tinchlik muzokaralari haqida hech qanday ma’lumot bermaslik"ni buyurgan. Qo‘shma Shtatlardan tashqari, u Avstraliya, Buyuk Britaniya, Kanada va Yangi Zelandiyani o‘z ichiga oladi.

Gabbard imzolagan tegishli hujjat 20 iyul sanasidan kuchga kirdi. Unga ko‘ra, razvedka ma’lumotlari ilgari e’lon qilinmagan bo‘lsa, boshqa davlatlar fuqarolariga taqdim etilishi mumkin emas. Taqiq muzokaralar bilan bevosita bog‘liq bo‘lmagan va diplomatik kanallar orqali olingan ma’lumotlarga, shuningdek, harbiy harakatlarni osonlashtirish uchun Kiyevga uzatiladigan ma’lumotlarga taalluqli emas. Ushbu taqiqning sabablari haqida xabar berilmagan.