AQShda demokratlar 85 yoshli ayolni siyosatdan ketishiga hozirlik ko‘rmoqda

Demokratlar AQSh Kongressi Vakillar palatasining sobiq spikeri Nensi Pelosining 4 noyabrda iste’foga chiqishiga hozirlik ko‘rmoqda.

Bu haqda Kongress va Kaliforniyadagi manbalarga tayanib, NBC telekanali ma’lum qildi.

Tarmoq ma’lumotlariga ko‘ra, 85 yoshli Pelosi qariyb 40 yil davomida vakillik qilgan San-Fransisko, Kaliforniya, okrugidan 2026 yilda Kongress quyi palatasiga qayta saylanishdan bosh tortishi mumkin. Sobiq spiker bu qarorni seshanba kungi qayta taqsimlash tashabbusi bo‘yicha ovoz berishdan keyin e’lon qilishi kutilmoqda. Tarmoqqa ko‘ra, demokratlar bu harakatni qo‘llab-quvvatlamoqda, chunki ular kelasi yilgi oraliq Kongress saylovlarida qo‘shimcha o‘rinlarni qo‘lga kiritishga umid qilmoqda.

Pelosining matbuot kotibi Yan Krager NBC telekanaliga sobiq spikerning Kongressga qayta saylanish niyati bor-yo‘qligi haqida izoh berishdan bosh tortdi. Uning so‘zlariga ko‘ra, u hozirda qayta taqsimlash tashabbusini ilgari surish kampaniyasiga to‘liq e’tibor qaratgan.