3500 nafar amerikalik dengizchi va dengiz piyodalaridan iborat USS Tripoli amfibiya hujum kemasi Yaqin Sharqqa yetib kelgani e’lon qilindi. Bu haqda AQSh Markaziy qo‘mondoni (CENTCOM) ijtimoiy tarmoqlarda ma’lum qildi.
“USS Tripoli (LHA 7) amfibiya hujum kemasidagi dengizchilar va dengiz piyodalari AQSh Markaziy qo‘mondonligi mas’uliyat hududiga yetib kelishdi”, deyiladi xabarda.
Shuningdek, Amerika qo‘mondonligi dengiz piyodalaridan tashqari, kema mintaqaga transport va zarba beruvchi qiruvchi samolyotlar hamda havo hujumi transport vositalarini yetkazishini ma’lum qildi.