AQSH-Xitoy savdo to‘qnashuvi tufayli neft narxi pasaymoqda

AQSh va Xitoy o‘rtasidagi savdo urushi xavfi kuchayishi oqibatida jahon neft narxlari pasaydi.

Bugun AQSh G‘arbiy Texas Intermediate (WTI) xom nefti bir barrel uchun 1,21 dollarga yoki 1,65 foizga tushib, 71,95 dollarni tashkil etdi. Brent xom nefti fyucherslari esa 73 sentga yoki 1 foizga pasayib, 75,23 dollarga tushdi.

AQSh 10 foizlik bojxona tariflarini joriy etganidan so‘ng, Xitoy Moliya vazirligi AQShdan keltirilgan ko‘mir va suyultirilgan tabiiy gazga 15 foiz, xom neftga esa 10 foizlik yig‘im joriy etilishini ma’lum qildi.

AQSh va uning asosiy savdo hamkorlari bo‘lgan Xitoy, Kanada va Meksika o‘rtasidagi davom etayotgan ziddiyatlar global neftga bo‘lgan talabning pasayishiga olib kelishi mumkin, bu esa narxlarning tushishiga bo‘lgan bosimni yanada kuchaytiradi.