AQSh va Xitoy yana savdo urushi yoqasida

Donald Tramp Xitoyni tariflarni muzlatish bo‘yicha kelishuvni buzganlikda aybladi va Vashingtonning sabri tugab qolganini aytdi.

AQSh prezidenti Donald Tramp Xitoyni tariflarni o‘zaro to‘xtatib turish bo‘yicha kelishuvlarni buzganlikda aybladi. U bu bayonotni juma kuni Truth Social ijtimoiy tarmog‘ida e’lon qildi.

"Xitoy, ba’zilar taxmin qilganidek, AQSh bilan kelishuvni butunlay buzdi. "Men yaxshi odam bo‘lishdan charchadim!", deb yozgan Tramp.

Amerika yetakchisiga ko‘ra, Pekin o‘z majburiyatlarini bajarmagan. Uning nashrida kelishuvning aniq qaysi bandlari muhokama qilinayotganiga aniqlik kiritilmagan.

Ayni paytda AQSh moliya vaziri Skott Bessent Fox News telekanaliga bergan intervyusida Vashington va Pekin o‘rtasidagi muzokaralar boshi berk ko‘chaga kirib qolganini aytdi. Unga ko‘ra, bu vaziyatdan chiqish uchun eng yuqori darajadagi aralashuv talab etiladi.

“Buni amalga oshirish uchun Prezident Donald Tramp va Prezident Si Szinpinning shaxsiy ishtiroki kerak bo‘ladi”, dedi Bessent.

Ikki davlat o‘rtasidagi savdo aloqalarini barqarorlashtirish bo‘yicha sa’y-harakatlar doirasida 12-may kuni tariflarni oshirishni to‘xtatish bo‘yicha kelishuvga erishilgan edi.

2 aprel kuni Tramp qo‘shimcha bojlar joriy etilishini e’lon qilganidan beri AQSh va Xitoy o‘rtasida tariflar bo‘yicha mojaro kelib chiqdi. Bunga javoban Xitoy Amerika tovarlariga tariflarni oshirdi.

Ikki davlat o‘rtasidagi ulush Amerika tomonida 145 foizga, Xitoy tomonida esa 125 foizga yetdi.