AQSh va Meksika kartellarga aloqador qimor o‘yinlariga qarshi sanksiyalar kiritdi

Xorijiy aktivlarni nazorat qilish boshqarmasi (OFAC) va Moliyaviy jinoyatlarga qarshi kurash tarmog‘i (FinCEN), Meksika hukumati bilan birgalikda Hysa uyushgan jinoiy guruhi va Meksika va Yevropada narkotik kartellari va boshqa jinoiy faoliyatlar uchun pul yuvish bilan shug‘ullanuvchi bir qancha Meksika qimor muassasalariga qarshi sanksiyalar e’lon qildi.

Bu haqda AQSh moliya vazirligi saytida ma’lum qilingan.

Departament ma’lumotlariga ko‘ra, bu chora-tadbirlar ikki davlat o‘rtasida AQSh moliya vazirining terrorizm va moliyaviy razvedka bo‘yicha o‘rinbosari Jon Xyorlining Meksikaga tashrifi chog‘ida erishilgan kelishuvlar natijasi bo‘lib, giyohvand moddalarning noqonuniy aylanishi va u bilan bog‘liq moliyaviy jinoyatlarga qarshi kurashishda yaqin hamkorlikni yo‘lga qo‘yishga qaratilgan.

"Qo‘shma Shtatlar va Meksika Meksika qimor sanoatida pul yuvishga qarshi kurashda birgalikda ishlamoqda. Kartellarni qo‘llab-quvvatlayotganlarga xabarimiz aniq: siz javobgarlikka tortilasiz. Meksika hukumatiga bu ishdagi kuchli hamkorligi uchun minnatdorchilik bildiramiz ", dedi Xyorli.

OFAC 27 nafar jismoniy va yuridik shaxslarga nisbatan sanksiyalar joriy qildi, FinCEN esa pul yuvish xavfi tufayli 10 ta Meksikalik qimor muassasalarining AQSh moliya tizimiga kirishini cheklovchi maxsus chora ko‘rishni taklif qildi.