AQSh va Isroil Eronga hujum qilishi mumkinmi?

AQSH-Eron kelishuvi amalga oshmasa, Donald Tramp Eronni "bombardimon qilinadi" deb tahdid solgan.

Ummondagi muzokaralar arafasida esa AQSh mintaqadagi harbiy mavjudligini sezilarli darajada kuchaytirdi.

U o‘zining eng zamonaviy oltita B-2 bombardimonchi samolyotini shu oy boshida Hind okeanidagi AQSH-Britaniya qo‘shma harbiy bazasi Diego Garsiyaga joylashtirdi.

Mutaxassislar fikricha, bu joy bombardimonchilarning Yaqin Sharqda samarali faoliyat yuritishi uchun qulay joylashgan. B-2 samolyotlari AQShning eng og‘ir bombalari, shuningdek, yadro qurollarini tashish imkoniyatiga ega.

AQSh o‘z harbiy qudratini namoyish etish maqsadida Yaqin Sharqqa ikkinchi aviasiya tashuvchi kemasi - USS Carl Vinson zarbdor guruhini ham jo‘natdi.

O‘tgan hafta Isroil ommaviy axborot vositalari AQShning Isroilga qo‘shimcha Terminal Yuqori Balandlik Hududiy Mudofaa (THAAD) batareyasini yetkazib bergani haqida xabar tarqatdi.

Bu tizim atmosferadan tashqarida raketalarni tutib olish qobiliyatiga ega yuqori balandlikda ishlaydigan qurilmadir.

Ushbu qadam asosan Eronning ehtimoliy ballistik raketa hujumlaridan himoyalanishga yordam berish maqsadida qo‘yilgan qadam sifatida baholanmoqda.