AQSh Ukrainadan BMTda Rossiyaning bosqinini qoralovchi rezolyusiyani qaytarib olishni talab qildi

B uhaqda The Washington Post nashri xabar bermoqda.

Qo‘shma shtatlari hukumati BMTda urushning uchinchi yilligiga munosabati bilan AQSh tomonidan tayyorlangan rezolyusiyaning "yumshatilgan" varianti uchun ovoz berilishini istaydi. Shu bilan birga, avvalroq AQSh hukumati Kiyevga bosim o‘tkazib, agressiyani qoralovchi Ukraina rezolyusiyasidagi ifoda shakllarini yumshatishni talab qilgan, deb xabar beradi gazeta.

The Washington Post manbalariga ko‘ra, Vashingtonning bu taklifi Kiyevni hayratga solgan, Zelenskiy mamlakat Tashqi ishlar vazirligiga hujjatni qaytarib olmaslikni buyurgan. Ukrainada AQSh tomonidan taklif etilgan variantni "rossiyaparast"deb atashmoqda.

"Hayratlanarlisi shundaki, AQSh ma’muriyati vakillari Ukrainaga bosim o‘tkazyapti, lekin rossiyaliklarga emas", — deya munosabat bildirdi ukrainalik rasmiy.

Eslatib o‘tamiz, Ukraina Yevropa Ittifoqi bilan birgalikda tayyorlagan rezolyusiya bo‘yicha ovoz berish 24 fevralda bo‘lib o‘tadi.