AQSh Suriyaga qarshi birinchi sanksiyalarni bekor qildi

AQSh prezidenti ma’muriyati Donald Trampning va’dasidan so‘ng Suriyaga qarshi sanksiyalarni bekor qilish bo‘yicha ilk qadamlarni tashladi.

AQSh Moliya vazirligi Suriyada ilgari taqiqlangan operasiyalarga rasman ruxsat beruvchi umumiy lisenziya berdi . Bu lisenziya Suriyaga nisbatan sanksiyalarni amalda bekor qiladi.

Davlat kotibi Marko Rubio: “Bugungi harakat prezidentning Suriya va Qo‘shma Shtatlar o‘rtasidagi yangi munosabatlar bo‘yicha qarashlarini amalga oshirishdagi birinchi qadamdir”, dedi.

Lisenziya prezident Ahmad al-Shara boshchiligidagi Suriya hukumati , shuningdek, markaziy bank va davlat korxonalari ishtirokidagi operasiyalarni amalga oshirish imkonini beradi.