AQSh Senati Rossiyaga qarshi sanksiya zarbasini tayyorlamoqda

AQSh Kongressining yuqori palatasi Rossiyaga nisbatan qattiq sanksiyalar joriy etish bo‘yicha qonun loyihasini ko‘rib chiqishga tayyor. Tashabbusni 72 senator qo‘llab-quvvatladi, dedi hujjat mualliflaridan biri, respublikachi Lindsi Grem. Bu haqda Bloomberg va The Wall Street Journal yozmoqda.

Tashabbus ham birlamchi, ham ikkinchi darajali sanksiyalarni nazarda tutadi. Xususan, Rossiyadan neft, gaz, uran yoki neft mahsulotlarini xarid qilishda davom etayotgan davlatlardan import qilinadigan mahsulotlarga 500 foizlik boj joriy etish taklif qilinmoqda. Hujjatda, shuningdek, amerika banklarining Rossiya davlati bilan bog‘liq tuzilmalarga sarmoya kiritishini taqiqlash va AQSh fuqarolarining Rossiya davlat obligasiyalarini sotib olishiga cheklovlar kiritilgan.

Avvalroq, Kiyev va Moskva o‘rtasida o‘t ochishni to‘xtatish bo‘yicha muzokaralar fonida Vashington sanksiyalarni qisman bekor qilish imkoniyatiga ruxsat bergan edi. Biroq, ayni paytda ular Rossiya kelishuvdan bosh tortsa, yangi bosim choralariga duch kelishi haqida ogohlantirgan.

WSJ ma’lumotlariga ko‘ra, hammualliflar soni 60 tadan oshadi, bu esa qonun loyihasining Senatda qabul qilinishi uchun asosiy chegara hisoblanadi. Imzolovchilar orasida har ikki partiya yetakchilari bor: respublikachi Jon Tun va demokrat Chak Shumer.

Gremning aytishicha, hafta oxirigacha tarafdorlar soni 67 nafarga yetishi mumkin, bu esa Kongressga prezident Donald Trampning ehtimoliy vetosini bekor qilish imkoniyatini beradi. "Maqsad - prezidentga yordam berish", deb tushuntirdi uning siyosiy ittifoqchisi sanalgan senator.

Tashabbus ham birlamchi, ham ikkinchi darajali sanksiyalarni nazarda tutadi. Xususan, Rossiyadan neft, gaz, uran yoki neft mahsulotlarini xarid qilishda davom etayotgan davlatlardan import qilinadigan mahsulotlarga 500 foizlik boj joriy etish taklif qilinmoqda. Hujjatda, shuningdek, amerika banklarining Rossiya davlati bilan bog‘liq tuzilmalarga sarmoya kiritishini taqiqlash va AQSh fuqarolarining Rossiya davlat obligasiyalarini sotib olishiga cheklovlar kiritilgan.

Bloomberg agentligining yozishicha, Gremning bayonoti AQSh va Ukraina o‘rtasida tabiiy resurslar bo‘yicha kelishuv imzolangan paytga to‘g‘ri kelgan.