Financial Times gazetasi manbalariga ko‘ra, AQSh BMT Xavfsizlik kengashida Rossiya va Xitoy bilan birgalikda Ukrainani qo‘llab-quvvatlovchi bayonotlarga qarshi chiqishi mumkin.
Vashington bosqinning uch yilligi munosabati bilan BMT Bosh Assambleyasi rezolyusiyasining Yevropa-Ukraina versiyasini rad etib, o‘z versiyasini taklif qildi. Unda "Ukrainaning harakatlari Rossiyaning harakatlariga tenglashtiriladi." Shuningdek, rezolyusiyada "Rossiya-Ukraina mojarosida insonlar hayotining fojiali yo‘qotilishi" haqida so‘z yuritiladi.
"Bu [amerikacha] ta’rif, shubhasiz, biz uchun qabul qilib bo‘lmaydi. Bularning barchasi o‘zaro bog‘liq va AQShning keng ko‘lamli pozisiya o‘zgarishining bir qismidir," deb ta’kidlaydi manba.
Amaldorlar "qarshilik BMT Xavfsizlik Kengashigacha yetib borishi va AQSh G‘arbiy Yevropaning Kiyevni qo‘llab-quvvatlashiga qarshi Rossiya va Xitoy tomonida turishi mumkin" deb aytishdi. Eslatib o‘tamiz, ilgari Qo‘shma Shtatlar G7 bayonotini ham qayta yozib, undan barcha "Ukrainaga xayrixoh" bayonotlar va Rossiyani qoralashlarni olib tashlagan edi. Ommaviy axborot vositalari bu muzokaralar jarayonini izdan chiqarmaslik uchun qilinayotgani haqida xabar bergan edi.
Rossiyaliklar rekord sur’atda o‘lmoqda
"O‘qishga ketyapman deb o‘ylagandim..."
AQSh Yevropaga uch hafta vaqt berdi
