AQShning BMTdagi doimiy vakili vazifasini bajaruvchi Jon Kelli Moskvani muzokaralardan bosh tortsa, qo‘shimcha sanksiyalar qo‘llanilishi mumkinligidan ogohlantirdi.
BMT Xavfsizlik Kengashining Ukrainadagi vaziyatga bag‘ishlangan yig‘ilishida Kelli Vashington Kiyev va Moskva o‘rtasida tinchlik o‘rnatishga intilayotganini ta’kidladi. Uning so‘zlariga ko‘ra, Ukraina murosaga tayyor bo‘lishiga qaramay, Rossiya o‘t ochishni to‘xtatishdan qochishda davom etmoqda.
"Agar Rossiya urushni davom ettirishga qaror qilsa, Qo‘shma Shtatlar muzokaralardan voz kechishga majbur bo‘ladi. Bu mojaroning harbiy yechimi yo‘q. Hozir taklif qilinayotgan kelishuv Rossiya uchun mumkin bo‘lgan eng yaxshi natijadir. Prezident Putin buni qabul qilishi kerak. "Urushni davom ettirish hech bir tomonning manfaatlariga mos kelmaydi", - dedi amerikalik diplomat.
Kelli, shuningdek, Vashington Rossiya bilan tinch yo‘l bilan kelishuv va iqtisodiy hamkorlik qilishdan manfaatdor ekanini, biroq bu yo‘ldan voz kechish Moskvani yangi sanksiyalar bilan tahdid qilishini ta’kidladi.
"Ushbu urushni tugatish uchun mas’uliyat ham Rossiya, ham Ukraina zimmasiga tushadi. Vaqt mojaroni uzaytirmoqchi bo‘lganlar tomonida emas. Biz ikkala tomonni tinchlik foydasiga qiyin, ammo tarixiy qaror qabul qilishga chaqiramiz", - deya qo‘shimcha qildi u.
Rossiya aerodromlariga hujum qilgan dronlarni tashigan yuk mashinalari haydovchilarining hech nimadan xabari bo‘lmagan
Rossiya Maskka boshpana beradimi?
"New York Times": "O‘zbekiston bunday tarixiy natijani qo‘lga kiritgan uchinchi mamlakat bo‘ldi"
