AQSh razvedka agentliklari Ukrainani yaqin kunlarda yangi “Oreshnik” zarbalari ehtimoli haqida ogohlantirdi.
Bu haqda AP va Reuters agentliklari ismi oshkor etilmagan amerikalik amaldorga tayanib yozishmoqda.
"Qo‘shma Shtatlar “Oreshnik”ni jang maydonidagi burilish nuqtasi sifatida emas, balki qo‘rqitishga urinish sifatida ko‘radi. Rossiyada bunday raketalarning bir nechtasi bor va ular Ukrainada muntazam ravishda uchiriladigan boshqa raketalarga qaraganda kichikroq kallakka ega", — deya fikr bildirdi manba.
