AQSh prezidentining maxsus elchisi kutilmaganda Putinning Ukraina haqidagi so‘zlarini qo‘llab-quvvatladi

AQSh prezidentining maxsus elchisi Kit Kellog Rossiya yetakchisi Vladimir Putinning Fox News telekanalidagi so‘zlari to‘g‘riligini tan oldi va Ukrainada sodir bo‘layotgan voqealarni Rossiyaga qarshi proksi urush deb atadi.

"Putin buni NATO davlatlarining proksi urushi deb hisoblaydi. Ochig‘i, bu to‘g‘ri. Yevropa davlatlari ko‘rsatayotgan yordamga qarang. Putin esa buni ko‘rib turibdi", - dedi u.

Juma kuni Kellogg ABC telekanalida Rossiyaning NATOning sharqqa tomon kengayishi haqidagi xavotirlarini mantiqiy deb atadi. Shuningdek, u Ukrainaning alyansga qo‘shilishi AQSh kun tartibida yo‘qligini ta’kidlab, u Rossiya chegaralarigacha kengayishni to‘xtatishi mumkinligini tan oldi. Kreml maxsus vakilning bayonotiga ijobiy javob berib, Vashington Moskvaning NATO kengayishi borasidagi xavotirlarini tushunishini qayd etdi.

So‘nggi paytlarda G‘arbda alyans va Rossiya o‘rtasidagi to‘g‘ridan-to‘g‘ri qurolli mojaro haqidagi g‘oyalar tobora ko‘proq aytilmoqda. NATOning mamlakat chegaralari yaqinida misli ko‘rilmagan faolligi qayd etilgan. Harbiy blok o‘z tashabbuslarini kengaytirmoqda va uni "Rossiya agressiyasini ushlab turish" deb atamoqda.