AQSh “Oltin karta” dasturini joriy qiladi – Donald Tramp

Trampning so‘zlariga ko‘ra, bu dastur orqali boy xorijliklar Qo‘shma Shtatlarga ko‘chib kelib, fuqarolik olishlari mumkin bo‘ladi.

"Bizda “grin karta” bor. Bu esa oltin karta. Biz bu kartaning narxini taxminan 5 million dollar etib belgilaymiz. Bu sizga “grin karta” imtiyozlarini beradi, shuningdek, AQSh fuqaroligi uchun yo‘l ochadi. Boy odamlar ushbu kartani sotib olib, mamlakatimizga kelishadi", – deya aniqlik kiritdi prezident.

AQSh Moliya vazirligi “oltin karta”ni sotib olishga nomzodlar sinchkovlik bilan tekshirilishini ma’lum qildi.