AQSh Oliy sudi Tramp ma’muriyatining Ta’lim vazirligini tugatish borasidagi harakatlariga qo‘yilgan taqiqni bekor qildi — ABC News

Telekanaling xabar berishicha, ushbu qaror Oq uyga Ta’lim vazirligidagi ommaviy ishdan bo‘shatishlarni davom ettirish imkonini beradi.

Avvalroq Massachusets shtati federal sudyasi Donald Tramp ma’muriyatiga vazirlikni yopish bo‘yicha keyingi qadamlarni qo‘yishni taqiqlagandi. Biroq endi Oliy sud bu taqiqni rad etdi.

AQSh ta’lim vaziri Linda Makmahon mazkur qarorni sharhlar ekan, idora xodimlari soni qisqartirilishini va ta’lim ustidan nazoratni shtatlar ixtiyoriga qaytarish yo‘lidagi harakatlar davom ettirilishini bildirdi.