AQSh noma’lum uchar jismlarga oid hujjatlarning to‘rtinchi qismini maxfiylikdan chiqardi

Pentagon tomonidan e’lon qilingan 40 ta fayl quyidagilardan iborat: 14 ta hujjat, 19 ta video, to‘rtta audiofayl va uchta rasm.

Fayllarning qariyb yarmi 2010 yil yoki undan keyingi davrga tegishli. Materiallar qatoriga Tinch okeanining g‘arbiy qismi, Atlantika okeani va Yaqin Sharq hududlarida suratga olingan tushunarsiz ob’ektlarning infraqizil diapazondagi tasvirlari hamda fotosuratlari kiradi.

Hujjatlarning birida 2015 yilda Texasdagi yadro quroli ishlab chiqaruvchi zavod tepasidagi havo hududiga noma’lum ob’ektning kirib kelgani bayon qilingan. Hujjatda ob’ektni ta’qib qilgan ikki ofiserning ko‘rsatmalari ham keltirilgan. Ular ob’ekt hech qanday ovoz chiqarmaganini ta’kidlashgan.