Vashington yillar davomida “abadiy urushlardan chiqish”ni va’da qilgan bo‘lsa-da, AQSh armiyasi yana Yaqin Sharqdagi to‘qnashuvlarning markaziga qaytdi. Axios nashrining yozishicha, Erondagi yadroviy ob’ektlarga amalga oshirilgan havo hujumlari shunchaki harbiy operasiya emas, balki Vashingtonning mintaqaga bo‘lgan chuqur geosiyosiy bog‘liqligini namoyon qildi.
Amerika neft, savdo yo‘llari va Ormuz bug‘ozidagi strategik nazoratni yo‘qotishi mumkin emas. Bundan tashqari, Isroilni himoya qilish — Vashington uchun doimiy strategik ustuvorlik bo‘lib qolmoqda. Shu sababdan AQSh hech qanday sharoitda Yaqin Sharqni butunlay tark etishga tayyor emas.
Hozirda mintaqada 40 mingdan ortiq amerikalik askar, yuzlab harbiy uchquchsiz dronlar va ikki ta avianoses joylashtirilgan. Eronning yadroviy dasturidan voz kechmasligi va AQSh bazalariga javob zarbalari Vashingtonni yanada faolroq pozisiya egallashga majbur qilmoqda.
Evropa AQSh himoyasiga ishonchini yo‘qotmoqda, Xitoy va Rossiya ta’sirini kengaytirmoqda. Biroq Vashington global xavfsizlikda yetakchi rolini saqlab qolish uchun Yaqin Sharqdagi ishtirokini davom ettirmoqda.
Eldor Shomurodovning yangi jamoasi ma’lum. U Italiyadan ketmoqda
Rossiya sanksiyalar bilan tahdid qilmoqda: nishonda O‘zbekiston ham bor!
Kecha Toshkentda rekord darajadagi issiq havo qayd etildi
