AQSh narkotik ortilgan yana bir qayiqni yo‘q qildi

Pentagon kotibi Pit Xegset Tinch okeanidagi xalqaro suvlarda AQSh kuchlari tomonidan narkotik moddalar kontrabandasi bo‘yicha qayiq yo‘q qilinganini ma’lum qildi.

Xegset bu haqda X ijtimoiy tarmoqdagi sahifasida ma’lum qildi.

AQSh razvedkasi ma’lumotlariga ko‘ra, Xegset qayiqda giyohvand moddalarni olib ketayotgan ikki kishi bo‘lganini aytdi. Har ikkisi ham hujumda halok bo‘lgan.

"Hech bir kartelning AQSh armiyasiga qarshi imkoniyati yo‘q", deya qo‘shimcha qildi Xegset.

So‘nggi haftalarda AQSh kuchlari giyohvand moddalar savdosiga qarshi kurash bahonasida qayiqlarni yo‘q qilish haqida bir necha bor e’lon qilishdi.