Tramp ma’muriyati Qohirani Misr armiyasiga harbiy yordamni qisqartirish qarori haqida xabardor qildi. O‘zgartirish joriy yil oxirida kuchga kirishi kutilmoqda, deb xabar beradi Middle East Monitor.
AQShning Misrga nisbatan siyosatini qayta ko‘rib chiqish Qohiraning Trampning falastinliklarni G‘azodan chiqarib yuborish rejasini ma’qullamagani bilan bog‘liq.
Misr an’anaviy ravishda AQShning Yaqin Sharqdagi asosiy ittifoqchilaridan biri hisoblanib kelgan va mamlakatlar o‘rtasidagi harbiy hamkorlik munosabatlarining asosi bo‘lib qolmoqda.
Vashington Misrga yiliga 1,3 milliard dollarga yaqin harbiy yordam beradi. Bu mablag‘lar Amerika uskunalarini xarid qilish, harbiylarni tayyorlash va mudofaa infratuzilmasini saqlashga sarflanadi.
Bundan tashqari, Misr va AQSh o‘rtasida jangovar shaylikni oshirish, tajriba almashish va hamkorlikni mustahkamlashga qaratilgan mintaqadagi eng yirik ko‘pmillatli mashg‘ulotlardan biri bo‘lgan “Yorqin yulduz” kabi qo‘shma mashg‘ulotlar muntazam o‘tkazib kelinmoqda.
2024-yilda AQSh Davlat departamenti Misrga uchta kelishuv bo‘yicha 5,35 milliard dollarlik qurol-yarog‘, asbob-uskunalar va xizmatlar sotishni ma’qulladi.
O‘tgan oy Vashington Qohiraga 929 million dollarlik ikkita alohida harbiy yuk yetkazib berishni ham tasdiqlagan edi.
Putinga Ukrainadan "qo‘ng‘iroq qilishdi"
Ikkilanmay zarba beramiz: AQSh Rossiyaga ochiq tahdid qildi!
Xitoyda 125 million yillik chayon topildi! Ilmiy sensasiya!
