AQSh Kongressi Trampni Eronga qarshi harbiy amaliyotni davom ettirish huquqidan mahrum qilmoqchi

Kongress roziligisiz harbiy harakatlarni amalga oshirish imkonini bergan ikki oylik muddat tugagach, qonun chiqaruvchilar tashabbusni o‘z qo‘llariga olishni va ushbu mojarodan chiqish strategiyasini ishlab chiqishni rejalashtirmoqda.

"Bu noqonuniy urush va respublikachilar unga sherik bo‘lib, davom etishiga yo‘l qo‘yayotgan har bir kun — odamlar hayoti xavf ostida qoladigan, tartibsizlik kuchayadigan va amerikaliklar to‘lashiga to‘g‘ri keladigan narxlar oshayotgan yana bir kundir", — dedi Senatdagi demokratik ozchilik yetakchisi Chak Shumer.

Eron Qo‘shma Shtatlarga mazkur urushga barham berish bo‘yicha o‘z variantini taqdim etdi. Amaldagi sulh fonida Trampga nisbatan ham amerikalik siyosatchilar, ham Tehron tomonidan bosim kuchayib bormoqda.