AQSh harbiylari Tojikistonda qo‘shma mashg‘ulotlar o‘tkazdi

Virjiniya milliy gvardiyasi muhandis bataloni askarlari tojik harbiy xizmatchilari bilan mashg‘ulotlar o‘tkazdi. Tojikistonning Romita shahridagi tog‘li sharoitida amerikalik qo‘riqchilar harbiy xizmatchilarni tog‘da jang qilish, harbiy tibbiy yordam va boshqalarga o‘rgatgan.

Hamkorlikdan ko‘zlangan maqsad terrorizm va ekstremizmga qarshi kurashda samaradorlikni oshirish, favqulodda vaziyatlar senariylarini qo‘llash, harbiy xizmatchilarning kasbiy mahoratini oshirish va milliy suverenitetni himoya qilish sohasida umumiy qadriyatlar almashishdan iborat.