AQSh Eronga yana qachon hujum qiladi?

Pentagon rahbari Pit Xegsetning ma’lum qilishicha, Eronning yadroviy ob’ektlariga qarshi AQSh operasiyasi avvaldan "ochiq yakunga ega bo‘lgan" yoki uzoq davom etadigan kampaniya sifatida rejalashtirilmagan. Ya’ni AQSh Eronga qachonki Eron tomonidan tahdid tug‘ilsagina hujum qiladi.

“Prezident (Donald Tramp — tahr.) aytganidek, bu mutlaqo aniq cheklangan operasiya — ya’ni, oxiri yo‘q kampaniya emas. Lekin bu bizga zarurat tug‘ilganda javob qaytarish imkoniyatini cheklamaydi. Prezident bizga Eronning yadroviy salohiyatini yo‘q qilish bo‘yicha aniq vazifa yuklatdi”, — dedi Xegset jurnalistlarga.