AQShning BMTdagi elchisi Mayk Uolts Vashington Eron nefti yetkazib berishini cheklash choralari doirasida Xitoyga yo‘l olgan kemalarni tekshirish ehtimolini istisno qilmadi.
U CBS savoliga javoban ehtimoliy operasiyalar haqida batafsil ma’lumot berishdan bosh tortdi, ammo barcha variantlar hali ham ko‘rib chiqilayotganini ta’kidladi.
Avvalroq The Wall Street Journal nashri AQSh harbiylari Yaqin Sharqdan tashqaridagi xalqaro suvlarda Eron bilan bog‘liq savdo kemalari va tankerlarini musodara qilishga tayyorlanayotgani haqida xabar bergan edi.
Ma’lumotlarga ko‘ra, 13 apreldan buyon AQSh dengiz floti Ho‘rmuz bo‘g‘ozining har ikki tomonidagi Eron portlariga kiruvchi va chiquvchi dengiz transportini nazoratga olgan.
Vashingtonning bildirishicha, Eron bilan aloqasi bo‘lmagan kemalar Tehronga boj to‘lamagan taqdirda erkin harakatlanishi mumkin.
AQSh va Eron o‘rtasidagi keskinlik fonida mintaqadagi blokada hozircha davom etmoqda.
Lionel Messi Kataloniya klubini sotib oldi
Italiya OAVlari Makronning Jorja Meloni bilan uchrashuvdagi harakatlarini keskin tanqid qildi
AQSh Eronga yadroviy qurol ishlab chiqarishdan so‘zsiz voz kechish evaziga boshqa imkoniyatni taklif qilmoqda
