AQSh Eron bilan hamkorlik qilayotgan aviakompaniyalarga nisbatan sanksiya qo‘llamoqchi

AQSh Moliya vaziri Skott Bessent AQSh ma’muriyati Eron aviakompaniyalari bilan hamkorlik qiluvchi kompaniyalarga sanksiyalar qo‘llashi mumkinligini aytdi.

Bu haqda The Wall Street Journal (WSJ) nashri xabar berdi.

"Sanksiyaga uchragan Eron aviakompaniyalari bilan biznes yuritish AQSh sanksiyalariga duchor bo‘lish xavfini tug‘diradi. Xorijiy hukumatlar o‘z yurisdiksiyasidagi kompaniyalar ushbu samolyotlarga xizmat ko‘rsatmasligini ta’minlash uchun barcha zarur choralarni ko‘rishlari kerak, jumladan, aviasiya yoqilg‘isi, oziq-ovqat, qo‘nish to‘lovlari va xizmat ko‘rsatish", dedi Bessent.