AQSh Eron aktivlarini Fors ko‘rfazidagi ittifoqchilariga o‘tkazishni ko‘rib chiqmoqda

AQSh ma’muriyati Fors ko‘rfazi ittifoqchilariga Tehron tomonidan yetkazilishi mumkin bo‘lgan zararni qoplash uchun Eron aktivlariga kirish huquqini berishni rejalashtirmoqda.

Bu haqda Reuters axborot agentligi ma’lum qildi.

Xabarga ko‘ra, AQSh Fors ko‘rfazidagi sheriklariga qo‘llab-quvvatlash, qayta tiklash ishlarini olib borish va kelajakda Eron yetkazishi mumkin bo‘lgan har qanday zararni yumshatish uchun Eron aktivlariga kirish huquqini beradi.

Xabarda ta’kidlanishicha, AQSh shuningdek, Eron aktivlaridan "allaqachon yetkazilgan zararni qoplash uchun" foydalanish variantini ham o‘rganmoqda. AQSh moliya vaziri Skott Bessent mutaxassislarga Eronning ushbu mamlakatlarga yetkazgan zararini baholashni buyurdi.

Eronning aniq aktivlari oshkor qilinmagan.