AQSh davlat kotibi Makronni Isroil va HAMAS o‘rtasida o‘t ochishni to‘xtatish bo‘yicha muzokaralarni buzganlikda aybladi

Marko Rubio EWTN telekanaliga bergan intervyusida muzokaralar aynan Emmanuel Makron bir tomonlama ravishda Falastin davlatini tan olish to‘g‘risidagi qarorni qabul qilgan kuni barbod bo‘lganini aytdi.

"Agar men HAMAS o‘rnida bo‘lganimda, shunday o‘ylardim: “Kelinglar, sulh tuzmaylik… Chunki biz mukofotlanishimiz mumkin, buni g‘alaba sifatida qabul qilishimiz mumkin”. Aynan Makronning bayonotidan so‘ng boshqa davlatlar ham bu pozisiyaga qo‘shilib, “Agar sentyabrga qadar o‘t ochishni to‘xtatish kelishuviga erishilmasa, biz Falastin davlatini tan olamiz” deyishdi", — dedi AQSh Davlat departamenti rahbari.