AQSh armiyasida ayollar erkaklar bilan bir xil harbiy tayyorgarlikdan o‘tadi

AQSh mudofaa vaziri Pit Xegset armiyadagi ayollarning samaradorligini ko‘rib chiqishni rejalashtirmoqda, deb xabar beradi BILD.

Bu tekshiruvni Mudofaa tahlil instituti (IDA) o‘tkazadi, deb seshanba kuni Pentagon vakili Kingsli Uilson ma’lum qildi.

Uilsonning aytishicha, harbiylar orasida bir xil va genderga neytral standartlar saqlanishi kerak, chunki «ryukzak yoki odamning og‘irligi erkaklar va ayollar uchun bir xil».

Pentagon tayyorgarlik darajasini pasaytirmaydi, shuningdek, biron bir kvota yoki mafkuraviy talablar uchun standartlarni o‘zgartirmaydi.

NPR ma’lumotlariga ko‘ra, ko‘rib chiqish olti oyga rejalashtirilgan.

O‘tgan yili Xegset yangi armiya standartlarini e’lon qildi.

“Erkaklar darajasidagi jismoniy standartlarga mos kelmaydiganlar harbiy xizmatda boshqa pozisiya yoki yangi mutaxassislik izlashi kerak. Ayrim jangovor mutaxassisliklar standartlari ayollarga mos kelmasa, bu o‘zgarmaydi”, - dedi vazir.

Biroq, faqat erkaklardan iborat bo‘linmalar maqsad emas, balki mumkin bo‘lgan natija ekanligini ta’kidladi.

Tanqidchilarning ta’kidlashicha, hozirning o‘zida AQSh harbiylari erkaklar va ayollar uchun bir xil talablarga ega. Biroq, Xegset standartlarni shunchalik yuqori ko‘tarishni rejalashtirmoqdaki, jismoniy farqlar tufayli ayollar uchun ularga erishib bo‘lmasligi mumkin.

Masalan, Navy Seals kabi elita bo‘linmalarida hali birorta ham ayol qat’iy tanlov jarayonidan o‘tmagan.

Hozirda ayollar AQSh harbiylarining taxminan 18 foizini tashkil etadi, bu yuqori ko‘rsatkich. Taqqoslash uchun, Germaniya armiyasining ayollar atigi 13 foizini tashkil etadi. Turkiyadan tashqari, barcha NATO mamlakatlarida ayollar harbiy xizmatga qabul qilinadi.