APL tarixidagi eng yaxshi hujumchi nomi e’lon qilindi

Mashhur Goal portali jurnalistlari Angliya Premyer-ligasi tarixidagi eng yaxshi hujumchilar reytingini e’lon qildi. Ushbu reytingning eng yuqori pog‘onasida o‘z vaqtida "Arsenal" safida porlagan Tyerri Anri qayd etilgan.

Ikkinchi o‘rinda Xarri Keyn turadi. U APLda 213 ta gol urgan - faqat Alan Shirerning hisobida ko‘proq - 260 ta gol bor. Shirer Goal reytingida to‘rtinchi o‘rinni egallab turibdi. Uchlikni esa Muhammad Saloh yakunlamoqda. Misrlik futbolchi o‘tgan dam olish kunlari APLda gollar soni bo‘yicha to‘rtinchi o‘ringa ko‘tarildi (188).

Keyingi o‘rinlarni Erling Xoland, Ueyn Runi, Serxio Aguero, Endi Koul, Erik Kantona va Maykl Ouen egalladi.