APLning yangi mavsumi "Manchester Siti" uchun dramatik g‘alaba bilan boshlandi. "Shaharliklar" 1-turda "Bornmut"ni qabul qilib, o‘yin oxiridagi kambek evaziga 2:1 hisobida ustun keldi.
Mehmonlar birinchi bo‘limdayoq Pep Gvardiola jamoasini qiyin ahvolga solib qo‘ydi. 26-daqiqada Markus Taverniye vaziyatdan foydalanib, "Bornmut"ni oldinga olib chiqdi. Shundan keyin "Siti" tashabbusni qo‘lga olgan bo‘lsa-da, uzoq vaqt raqib himoyasini yorib o‘ta olmadi.
Uchrashuvning asosiy voqealari so‘nggi daqiqalarga to‘g‘ri keldi. "Bornmut" himoyasidagi xatodan unumli foydalangan Mark Gehi bosh bilan zarba berib, muvozanatni tikladi — 1:1.
Bu gol bilan cheklanib qolmagan manchesterliklar qo‘shib berilgan vaqtda g‘alabani ham ilib ketdi. Yoshko Gvardiolning goli "Siti"ga mavsumdagi dastlabki uch ochkoni taqdim etdi — 2:1.
O‘zbekiston milliy jamoasi a’zosi Abduqodir Husanov ham yangi mavsumni asosiy tarkibda boshladi. Himoyachi uchrashuvni to‘liq o‘tkazib, "Manchester Siti"ning irodali g‘alabasiga hissa qo‘shdi.
Toshkentdagi musobaqada Isroil bayrog‘ini ko‘rsatgani uchun isroillik o‘quvchining oltin medali bekor qilindi
Braziliyalik afsonaviy futbolchi Roberto Karlos musulmon bo‘lgani haqidagi mish-mishlarga munosabat bildirdi
"100 million dollar evaziga hatto o‘z otamning ham yuziga uraman"
