Xalqaro Olimpiya qo‘mitasi 1900-yili Parijda o‘tkazilgan Olimpiadaning natijasini qayta ko‘rib chiqdi.
XOQ ijroqo‘mi qaroriga ko‘ra, Fransiya erkaklar o‘rtasida 25 kilometrga velopoygada kumush medalga ega bo‘ladi.
O‘shanda kumushni Britaniya vakili Lloyd Xildebrand qo‘lga kiritgandi. Ammo yaqinda olib borilgan o‘rganishlar natijasida, sportchi Fransiyada tug‘ilib, o‘sha yerda voyaga yetgan va 1900-yilgi Olimpiadagacha va o‘yinlardan so‘ng ham fransuz klubi sharafini himoya qilgan emish.
Shu asosda, Xalqaro Olimpiya qo‘mitasi medalni endi Britaniya uchun emas, Fransiya uchun hisoblanishini ma’lum qildi.