AQSh va Xitoy o‘rtasidagi savdo urushi kuchayishi fonida Amerika avtomobil ishlab chiqaruvchisi Ford Xitoyga bir qator avtomobil modellarini yetkazib berishni to‘xtatgani haqida The Wall Street Journal manbalariga tayanib xabar bermoqda.
Nashr ma’lumotlariga ko‘ra, Ford F-150 Raptor pikaplarini, Mustang sport kupesini, Bronco yo‘l tanlamas mashinalarini, shuningdek, Lincoln brendining Navigator yo‘l tanlamas mashinalarini eksport qilishni to‘xtatgan.
Ushbu modellar uchun Xitoy bojxona tariflarini 150 foizgacha oshirdi, bunda F-150 flagman versiyasining narxi taxminan 100 ming dollarga yetadi. 2024 yilda Ford Xitoyga ushbu modellardan 5,5 mingga yaqin avtomobil yetkazib bergan.
